Байгалийн цацраг идэвхт элементийн шинжилгээ шинэ түвшинд хийгдэх болно.
2010 оны 01 сарын 11
Олон улсын атомын энергийн агентлагаас хэрэгжиж буй төслийн хүрээнд байгалийн цацраг идэвхт элемент (U,Th, Ra, K)-ийг тодорхойлох гамма-спектрометр, энергийн дисперсийн спектрометрийг шинээр суурилуулж, лабораторийн шинжилгээний ажлыг орчин үеийн түвшинд хийх радионуклидын лабораторийг шинээр байгуулах ажлыг эхлээд байна.

Төслийн хүрээнд энэхүү шинэ лабораторид ажиллах цөмийн физикийн инженерүүд ижил төрлийн үйл ажиллагаатай, өндөр хөгжилтэй орнуудын мэргэшсэн лабораториудад олноор дадлагажиж суралцаж эхлээд байна.
Цацраг идэвхт материалын дээж боловсруулалтыг орчин үеийн шаардлагын түвшинд хүргэх үүднээс ажлын байрны норм норматив, аюулгүй ажиллагааны стандартыг хангасан лабораторийн байрыг шинээр тоноглож байна.